iCoN@m0CasT!nG

今日係數學統測，勉強都算識ｄ題目，考完就到了４點５點鐘，

但由於考完之後有ｄ小插曲，結果真係搞到５點幾鐘先走人，之後我同的的兩條友晌班房講數（數學）

不過由於ｍｉｓｓ放人時都過左學校限定要走的時間，所以校工都在門外守侯（鎖我地門），之後就俾權叔趕走左我同的的。走出學校，行去觀廣睇野（我：睇ｋｅｙｂｏａｒｄ、ｗｅｂｃａｍ、ｏｔｈｅｒ　ｃｏｍｐｕｔｅｒ　ｔｏｏｌｚ．．ｅｔｃ；的的：睇卡＋陪我行黎行去）

大約行到６點～７點幾，我地行返去ＭＴＲ，中途見到徐小姐同埋佢個ｆｄ，不過我當睇唔到－－直行而過

返屋企前，去ＯＫ入一蚊打個電話返屋企，點知－－俾我阿婆狂鬧我做咩咁耐都未返黎，又話打去學校，又話搵阿媽，搵阿媽＝小事，但打去學校搵＝大件事（其他人＝小事，我＝大件事，只要我阿婆一打返去學校搵我，第二日－－－－－幾乎全校都知，到時只會無奈＋無臉ｘ２）

不過我計劃好了－－－趁阿婆訓覺時，搵阿婆本電話簿，然後再搵學校個電話．．之後就．．嘿嘿ｘ４

 個人  回應的RSS 按此回應  暫時未有引用通告   (0)
2005年09月29日

今日上PE堂，玩推鉛球….之後我地先用豆袋當鉛球推住先（訓練），之後到正式推鉛球時..我企埋一邊，睇住ｄ同學推鉛球，大約過十五分鐘左右就推好了..但我未出過去，後尾ｍａｎ問我點解唔使推鉛球，佢一講完我馬上諗起：「係喎，點解阿ｓｉｒ冇叫３４號嘰？！」，剛好阿ｓｉｒ就叫「仲有邊個未出過黎的！！」之後我馬上走出去係咁以象徵式的推左一下咁大把（未食野，冇力）

推完之後，阿ｓｉｒ話自由活動，之後我同的的、柏林同埋吉吉一齊坐埋一邊吹水…..過左一陣連「少林大佬」都黎埋（大佬＝尋日提過的鍾Ｘ樂），之後我地就又傾起黎….就講劉Ｘ誠的，原因大佬都唔妥劉Ｘ誠的，剛好我地呢檯人幾乎全部人都好唔妥劉Ｘ誠的，咁我地當然係咁「討論」佢啦。（應該係聯手的開始…）

之後我又講起網上改圖，之後又講笑咁話：「搵人俾劉Ｘ誠幅相俾我，任何相都得，一經小弟手，佢即刻唔使再上網浦！再唔係就掟上去『高登』搞，我玩唔殘佢啫，但上到高登，包佢不但唔使再上網浦，現實世界ｄ人都認得你，到時真係跳落黃河N次都洗唔清呀！」，之後ｄ人狂笑，同埋拍晒手掌（佢夠膽親自俾相我搞囉，我一定會改得「好好睇睇」的！）

 趣事  回應的RSS 按此回應  暫時未有引用通告   (0)
2005年09月28日

之後開學數日後，總會睇到一名身材高佻，經常穿白色間條裇衫同埋穿黑色開叉的短裙的女子在五樓行黎行去

當時我已經感到好奇…想問下佢係咪新黎的ｍｉｓｓ定係新黎的駐校社工，但係當我想問果陣就俾我班ｆｄ夾左我落去ｃａｔｅｅｎ買飯

之後隔左兩個禮拜左右的今日見到佢又晌五樓出現，又係同樣的打扮…..不過佢今次晌３Ｃ班入面….之後我睇到Uncle 欽（何解叫佢uncle？因為佢年紀大我…ｄｄ！同埋佢已經長滿晒鬚，所以就叫佢叔叔！），之後我問佢入面果個係邊個黎的，之後佢答我係個新黎的英文科ｍｉｓｓ，叫ｍｉｓｓ　ｌｅｅ。

我終於知道她原本是姓李的….

可是從佢的打扮，似ＯＬ多過似教書的ｍｉｓｓ．．

 其他  回應的RSS 按此回應  暫時未有引用通告   (0)
2005年09月27日

上駱ｓｉｒ堂，有好多搞笑野聽＝上駱ｓｉｒ堂的永恆不變定律

今堂講《少年傀儡師》，之後阿ｓｉｒ又講左ｄ關於戲班的禁忌..例如話扮關公的人，一化好妝後就唔可以出聲（即係「啊、哦、唔」…等等的聲都唔可以發出，有咩事留返落妝後先可以再講）原因係話一埋位時就係關公上身喎..

之後由於駱ｓｉｒ同伍ＸＸ有ｄ仇咁….當舉例的時候（不論好的例子／壞的例子），都一定有佢份….佢仲要講到勁抵死，我地笑到合埋口（事關當我地笑完後，駱ｓｉｒ又舉例！又搞到我地狂笑，最後咪「笑到合唔埋嘴」囉。

 趣事  回應的RSS 按此回應  暫時未有引用通告   (0)
2005年09月27日

今日上中文堂..阿sir問書..叫我地唔好打開書..但我果陣又好鬼無聊喎..

所以咪翻開本書揭揭揭..(但唔係睇書果種揭，而係亂咁揭)，其他人都冇理我果陣(包括連阿sir都冇理我果陣)，鍾Ｘ樂條友就用佢大聲得黎又沉厚就講：「狗仔做咩打開本書呀？」，由於當時得我一個人打開書..當然知道條友係講緊我啦，當時第一個反應就想即刻起身，再笠埋阿sir本中文書(教師版的書係好XYZ的厚的)，然後埋去佢位前，兜巴車過去！－－不過我當然冇咁做啦，因為我咁做會好麻煩的，加上佢又唔知係咪有背景的人，免得得罪了黑道的人就唔好啦(我做咩關你春事呀!管掂自己d野先好講人啦!FUCK OFF PLZ!（後期又諗起鬼叫我好地地揭咩書丫..今次只能怪我做呢個動作而俾人捉住黎窒）

放學就同zero、的的、呀月一齊去APM行..行到5點幾呀月話要去補習之後佢走先，之後數分鐘後我地就晌觀塘ＭＴＲ站各自解散，ｚｅｒｏ話去搭地鐵返屋企；的的話去觀廣睇卡，之前我都話去，但今日又好攰，所以又返屋企，所以只係得的的自己一個睇卡。（真可憐）

呵呵．．今日問到popo攞MSN了

 個人  回應的RSS 按此回應  暫時未有引用通告   (0)
2005年09月26日

好多功課…好多功課…好多功課…好多功課….

鬼咩..邊個叫我由朝到夜晚喎..唉..自作自受x2

呀！！救我呀

路人甲：「咦..小弟弟，你好似仲有篇數學家課紙的五次罰抄都未做喎……」

 個人  回應的RSS 按此回應  暫時未有引用通告   (0)
2005年09月25日

路人甲：「咦，你好多白頭髮喔！」

媽：「仔呀，你又多左幾條白頭髮喎！」

同學：「你染白髮呀？好潮喎你…..」

最近..(應該係話時時)都有人咁話我

我最近都想起一個問題..「假如我唔再查下發生咩事，我遲早咪成頭白髮?!」(咁我以後點見人??!!)

之後上了好幾個網..有講點治呢種問題….

食療+每日作息定時…「每日作息定時」….令我想起我幾乎日日唔訓覺咁上網..唔知關唔關事??…不過冇十成都有九成關的..

已經訂立了「反白髮作戰計劃」

任務內容：

• 每次去酒樓，都例牌叫碗黑芝麻食！(仲要成碗食晒果隻..即使幾飽都好..照食！)
• 強迫自己一定要11點鐘前訓覺(呢點最難….不過10月1號開始就易了…因為暫停不能上網6日)
• 不斷的食菜..
• 叫阿媽每日煲黑豆湯我飲..都要係好多好多果隻~

 個人  回應的RSS 回應(2)  暫時未有引用通告   (0)